تطاولت نفسي واتت بابيات في سيدي وحبيبي الشيخ ابراهيم الكباشي

صــــــــيح يامــريدو ونادي النادر كباشــــــــينا البحر الزاخـــــــــر

قول مـــومـــو

كـــريم ياحي يااول واخـــــر عفوك ورضاك للقـوم مــــــتواتر
وبثني القول عليك يالطاهــر شفيعنا ونورنا الجــودو يوافــــر

في كافـو حكم اسرار ومفاخر فيوض وعلوم من سحبو تماطر
عيونو تشوف في الكون وتناظر وتسقي السر للقلب الحاضــر

نتر في الكون جاب ليه مناظـر شائب الاســلام ما ليه مناظـر
سواقي تسوق وخيولو بوادر في الحوبات مدافعو تشاهـــر

امروا عجيب في الباطن وظاهر في بحـــورو اطفال ارواح ونوادر
حكاية القصر والكف الطاهـــــر والجابلو غلام في اللوح ما ظاهر

كباشي فــريد في جـيله نادر مـــــداه بعيد ما عنده اخــــــر
حلفت يمين البيك متباطـــــر دنيا واخري ما بخافلو مخاطـــر

كباشي كفاي بي كافو اشاهر اغني واقــــــدل وبيه بفاخـــــر
يامنكر احــذر حـــكمه حاضـــر ودربه وكـــــر و ســيوفو بواتــر

كباشي طمح بان نيله دامــــر في شعرو خيول وسيوف ودرادر
لحاظو صلاح ابو فيضا غامــــــر رشــد قيمان وصــلح للكافـــــر

كباشي شريف شوف نسبه الطاهر من قـــام محـــفوظ بعناية القادر
ابوك يالنيل بحره هـــادر فوق حجب النــــور في السابعه هو ســــادر

كباشي علت امـواجو تدافـــر علي الاكوان وزرعـــه مخـــــادر
في كافو الهيبه سفن بتغـاور خــلي القـــول وجدالك قاصـــــر

صلاتي عليك يالنور الطاهــــر وسلام بالمســك ليه يباشـــــر
يوصــل ضريحـــــه وليه يذاور ودالترجام تجــــبرلو الخـاطـــــر

[justify][b]